"امبارح"
..كنت فاكرُه غار بعيد خلاص وفارق..
خد في ايده سوء
الحظ مني وغادر...
مستحيل بكرة يجي شبهه ...أو يطلع أخوه شقيقه أو ابن عمه ..
كنت بمني نفسي بجنينة أماني ...
.
.
في غمضة عين ...اتولد بكرا وانـا تايه ومُش داري ...
.
سلمتله النية فثواني ...واتكويت بنارها تاني ....
.
لا شغل النَصب غاب ياامــه...ولا سلمنــا ألاعيبــه ..
.
لما الصبح فتح واتمكنوا ...ولاد الراجل الطيب اتبدلوا ... زي اللي
مشيوا تمام ...فرقة في سيرك وفوق دماغنا اتشقلبوا ..
.
في الطرق وعالكباري ..واقفين يبيعوا ذات "الإزازة "
...بالمذوق والمعسل والغناوي ..
وقفت في الطابور الطويل ..ناوي عليهم اتفرج ...وفنفسي مقرر اني مش
شاري ...
وراني واحد منهم الإزازة ...وحكالي عنها كاني وماني ..وقالي مش مصدق
؟؟!!...لما سكت ...حلفلي عالمصحف انها مش ذات الإزازة ...وان دي حاجة تانية خالص
ومش ذاتها الإزازة ...
قالي شيل و سَّمي ..وامسح ايديك كل يوم عليها وادعي .. شايلة ليك خير
كتير مستخبي .. ...حلفلي بحياته ان الأزازة هتجيب في الشهر من تلاتين لمية أزازة
..
.
صدقت يا امــه ...وليه ما صدق !!؟؟ ...وابوهم صالح وأخوهم متربي
حدانــا ..
بصمت يا امــه.. أَصِلي طيب ... ما ليش في الملاوعة والمراوغــة و
شغل السياسة...
ودفعت كل اللي حيلتي ...ورهنت عيل من عيالي ...كله لاجل اجيب إزازة ......
قعدت احسب الإزازة هتولد في اليوم كام إزازة ....
و الإزازة لما تولد أبيع بكام واشتري كام ألف إزازة ...
وبنيت واغتنيت وركبت وطرت وانــا قاعد في مكــاني عالسرير أحلم
بالإزازة ...
واستنيت الإزازة تولد إزازة .....استنيت يومين تلاتــة......لما
زهقت قررت افتح لقيتها فاضيــة .....
وطلعت يا امــه تاني مرة شاري "هوا" متكيس و متعبي في إزازة.....
بقلم مهند فوده
ليست هناك تعليقات:
إرسال تعليق